Vlerat tona

Parimet e Përgjithshme të Biznesit të Shell shërbejnë si një gur themeli për mënyrën sesi ne bëjmë biznes dhe respektimi i tyre është thelbësor për suksesin tonë të vazhdueshëm. Ne identifikohemi me sjelljet tona dhe me përkushtimin tonë ndaj vlerave themelore të ndershmërisë, integritetit dhe respektit për njerëzit. Parimet tona të biznesit mbështeten mbi këto vlera. Ato nxisin besimin, transparencën, punën në ekip dhe profesionalizmin, si dhe krenarinë për atë çfarë bëjmë dhe për mënyrën sesi bëjmë biznes.

Ne ishim ndër shoqëritë e para në botë që deklaruam dhe ndamë me ju besimet tona kur botuam për herë të parë Parimet e Përgjithshme të Biznesit të Shell në vitin 1976. Si pjesë e këtyre parimeve, ne jemi të përkushtuar që të japim kontributin tonë për zhvillimin e qëndrueshëm, duke balancuar interesat afatshkurtra dhe afatgjata dhe duke marrë parasysh faktorët ekonomikë, mjedisorë dhe socialë në vendimmarrjen tonë.

Ne presim që të gjithë punonjësit dhe kontraktorët e Shell, madje edhe ata në sipërmarrjet e përbashkëta me të cilët ne punojmë, të kuptojnë dhe të sillen në çdo kohë në përputhje me parimet tona të biznesit. Ne nxisim furnitorët dhe sipërmarrjet e përbashkëta që nuk janë nën kontrollin tonë që të zbatojnë parime të barasvlershme me tonat.

Mbi bazën e vlerave tona themelore, ne aspirojmë të ruajmë një kulturë diverse dhe përfshirëse, ku të gjithë të ndihen të respektuar e të vlerësuar, duke filluar që nga punonjësit tanë e deri te klientët dhe partnerët. Diversiteti, barazia dhe përfshirja udhëheqin mënyrën sesi ne bëjmë biznes

Ne synojmë të tërheqim, të zhvillojmë dhe të ruajmë një forcë punëtore diverse dhe të talentuar. Larmishmëria e këndvështrimeve na ndihmon të krijojmë lidhje të forta kudo ku ushtrojmë veprimtarinë tonë.

Ne nxisim diversitetin, barazinë dhe përfshirjen në sajë të një sërë programesh dhe aktivitetesh. Këtu përfshihen planet globale dhe vendore për mbështetjen e talenteve, për të siguruar që personat më të talentuar të avancojnë në karrierë pavarësisht gjinisë, etnisë apo dallimeve të tjera. Ne kemi gjithashtu një sërë programesh për rritjen e ndërgjegjësimit dhe zhvillimin e punonjësve dhe drejtuesve tanë, si dhe nisma mentorimi, politika progresive që mbështesin fleksibilitetin në punë dhe një rrjet me mbi 75 grupime punonjësish. Ne kërkojmë vazhdimisht mënyra për të pasuruar kulturën tonë përfshirëse.

Në vitin 2018, Shell ofroi mbështetje për dy nisma të rëndësishme të bazuara në përmirësimin e diversitetit, barazisë dhe përfshirjes nëpër botë: Standardet e Sjelljes të Organizatës së Kombeve të Bashkuara për Bizneset, të cilat synojnë trajtimin e diskriminimit ndaj lezbikeve, gejve, biseksualëve, transgjinorëve dhe interseksualëve (LGBTI), dhe nisma "Catalyst CEO Champions for Change" e cila synon të përshpejtojë procesin drejt barazisë gjinore në kompani.

Këto dy nisma mbulojnë kompanitë e Shell në mbi 70 vende të botës.

“Këto angazhime janë një hap i rëndësishëm përpara në punën tonë për të krijuar një forcë punëtore diverse, ku dallimet kuptohen, përqafohen dhe vlerësohen”, është shprehur ish-CEO Ben van Beurden. “Bashkëpunimi është mënyra më e mirë për të arritur rezultate. Ne jemi të hapur ndaj mundësisë për të bashkuar forcat me kompani të tjera që kanë të njëjtat objektiva, nën ombrellën e nismave të Organizatës së Kombeve të Bashkuara dhe Catalyst.

Rëndësia e të dhënave nuk ka qenë kurrë kaq e madhe sa sot, prandaj Shell ka në fokus zhvillimin dhe vënien në përdorim të sistemeve efektive të sigurisë kibernetike në mbarë organizatën. Masat efektive të sigurisë kibernetike na mundësojnë mbrojtjen e efikasitetit dhe produktivitetit të operacioneve tona dhe sigurojnë mbrojtjen e pronësisë intelektuale, përmbushjen e kërkesave rregullatore dhe ruajtjen e reputacionit tonë si lider në industri.